Mga Paisi

◼ Alok sa Pebrero: Ialok an librong Rumani ki Jehova. Kun mayo kamo nin istak kan librong ini, puede nindong ialok an librong Kaaraman o arin man sa haloy nang publikasyon. Marso: Itampok an librong Itinotokdo kan Biblia asin maghingoa nin maigot na makapoon nin mga pag-adal sa Biblia. Abril asin Mayo: Iaalok an mga kopya kan An Torrengbantayan asin Awake! Kun nagdadalaw liwat sa mga interesado, pati sa mga nag-atender sa Memorial alagad an mga ini dai aktibong nakikiasosyar sa kongregasyon, hingoahon na makapasakamot kan librong Itinotokdo kan Biblia na may pasohan na makapoon nin pag-adal sa Biblia.

◼ An espesyal na pampublikong pahayag sa Domingo, Abril 15, 2007 may temang “Puede Kamong Makamate na Ligtas sa Maribok na Kinaban na Ini!” Bilang pagirumdom, an mga kongregasyon na dinadalaw kan paraataman sa sirkito, may pansirkitong asamblea, o aldaw nin espesyal na asamblea sa katapusan kan semanang iyan magkakaigwa kan espesyal na pahayag sa Abril 22, 2007. An mga kongregasyon na an pampublikong pagtiripon ginigibo sa ibang aldaw imbes na Domingo puedeng iiskedyul an espesyal na pahayag sa laog kan peryodo nin Abril 16-21, 2007.

◼ Maninigong repasohon kan sekretaryo asin kan paraataman sa paglilingkod an aktibidad kan gabos na regular payunir sa katapusan kan Pebrero. Kun an siisay man nadedepisilan na aboton an kahagadan na oras, maninigong iareglo kan kamagurangan na magtao nin tabang tangani na maabot ninda an taonan na kahagadan na oras pag-abot kan Agosto 31, 2007.

◼ Maninigong i-audit an kuenta kan kongregasyon sa Marso 1 o sa pinakamadaling panahon pakalihis kaiyan kan nangengenot na paraataman o kan saro na iinasignar nia. Kun natapos na ini, maninigo iyan na ianunsiar kadungan kan pagbasa sa kongregasyon kan masunod na report sa kuenta asin surat nin pasasalamat sa donasyon hale sa sangang opisina.

◼ Sa Domingo, Pebrero 18, 2007, pagkatapos kan Pag-adal sa Torrengbantayan, magkakaigwa nin miting kaiba an gabos na nagpaplanong mag-auxiliary payunir durante kan mga bulan nin Marso, Abril, asin Mayo. Pangengenotan kan paraataman sa paglilingkod an miting na ini, na sinesegurado na igwa nin supisyenteng Application for Auxiliary Pioneer Service na ididistribwir sa gabos na maatender sa miting.