Iskedyul sa Pagtiripon sa Paglilingkod
Semana nin Mayo 12
10 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion na nasa pahina 4 o iba pang presentasyon na angay sa saindong teritoryo, idemonstrar kun paano iaalok an Watchtower na Mayo 1 asin an Awake! na Mayo.
15 min: Makakayanan Niato an Ano Man na Pagbalo! Pahayag basado sa Torrengbantayan na Hunyo 15, 2005, pahina 30-1. Imbitaran an piniling mga parahayag na magkomento kun paano sinda tinabangan ni Jehova na makayanan an sarong partikular na pagbalo.
20 min: Puede daw Kamong Mag-auxiliary Payunir sa Maabot na mga Bulan? Pakikipag-olay sa mga nagdadangog. Repasohon an pahina 112-13 kan librong Organisado, na sinasabi an mga kahagadan para sa pag-auxiliary payunir. Sa parapo 1, na nasa pahina 113, sinasabi kaiyan na “an mga auxiliary payunir puedeng nombrahan na maglingkod sa laog nin sambulan sa pinakahalipot, nin minsan pirang magkakasunod na bulan, o dagos-dagos, segun sa saindang kamugtakan.” Imbitaran an mga nag-auxiliary payunir, kan Marso asin Abril saka ipinagpapadagos iyan sa Mayo, na magkomento manongod sa mga bendisyon na nakamtan ninda. Paano nakatabang sa sainda an pag-auxiliary payunir na umoswag sa espirituwal? Anong mga kagayagayahan an naeksperyensiahan ninda? Nagpaplano daw sindang magpadagos sa maabot na mga bulan? May plano daw sinda na gibohon iyan nin “dagos-dagos” o magregular payunir pa ngani? Kun iyo, imbitaran sinda na sabihon kun taano asin kun paano ninda pinaplanong gibohon ini. Bilang kongklusyon, dagkahon an gabos na kualipikado asin nasa kamugtakan na isip-isipon na umiba sa mga igwa na kan pribilehiong ini durante kan maabot na mga bulan.
Semana nin Mayo 19
10 min: Lokal na mga paisi. Repasohon an “Hapot” sa pahina 3.
15 min: Lokal na mga pangangaipo.
20 min: “Puedeng Mapasaindo an Kayamanan!”a Magkomento manongod sa mga kahagadan para sa mga regular payunir, na yaon sa pahina 113-14 kan librong Organisado. An mga gustong magpoon na magpayunir sa Setyembre 1 maninigong isumitir an saindang aplikasyon sa pinakamadaling panahon na mapupuede.
Semana nin Mayo 26
10 min: Lokal na mga paisi. Basahon an report sa kuenta asin mga pasasalamat sa donasyon. Pagirumdomon an mga parahayag na itao an report nin paglilingkod sa langtad para sa Mayo. Ginagamit an mga suhestion na nasa pahina 4 o iba pang presentasyon na angay sa saindong teritoryo, idemonstrar kun paano iaalok an Watchtower na Hunyo 1 asin an Awake! na Hunyo.
15 min: “Pasana Nindo an Sakong Sakal.”b Kun may oras pa, imbitaran an mga nagdadangog na komentohan an sitadong mga teksto.
20 min: Ialok sa Hunyo an librong Itinotokdo kan Biblia. Pahayag asin mga demonstrasyon. Repasohon an nagkapira sa sampol na mga presentasyon sa suplemento kan An Satong Ministeryo sa Kahadean na Enero 2006. Iiba an sarong demonstrasyon na may duwang kabtang. Ipaheling kun paano iaalok an librong iyan dangan kun paano madalaw liwat na may pasohan na makapoon nin pag-adal sa Biblia.
Semana nin Hunyo 2
10 min: Lokal na mga paisi.
20 min: An mga May Maimbod na mga Gibo Nag-aako nin Dakol na Bendisyon. (Tal. 28:20) Pahayag kan sekretaryo asin pakikipag-olay sa mga nagdadangog. Sumaryohon kun paano binendisyonan ni Jehova an mga paghihingoa kan kongregasyon na dugangan an aktibidad kaiyan kan Marso, Abril, asin Mayo, saka magtao nin komendasyon. Ianunsiar an bilang kan mga nag-auxiliary payunir, kun pirang bagong pag-adal sa Biblia an naponan, asin iba pang marahay na mga bagay na nagibo sa ministeryo. Imbitaran an mga nagdadangog na magsaysay nin mga eksperyensia may koneksion sa Memorial asin sa kampanya na magdistribwir nin mga imbitasyon. Puedeng iakto an pambihirang mga eksperyensia sa paglilingkod sa langtad. Interbiohon sa halipot an duwa o tolong parahayag mapadapit sa mga bendisyon na nakamtan ninda bilang auxiliary payunir.
15 min: “Magin Andam Para sa Gabos na Marahay na Gibo.”c Imbitaran an mga nagdadangog na isaysay kun paano asin kun noarin sinda nag-aandam para sa pagharongharong.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.