Iskedyul sa Pagtiripon sa Paglilingkod

Semana nin Hulyo 14

Kanta 126

10 min: Lokal na mga paisi. Ginagamit an mga suhestion na nasa pahina 4 o iba pang presentasyon na angay sa saindong teritoryo, idemonstrar kun paano iaalok an Torrengbantayan na Hulyo-Setyembre asin an Awake! na Hulyo.

15 min: Igwa daw Kamo nin “Katalingkasan sa Pagtaram”? Pahayag basado sa Torrengbantayan na Mayo 15, 2006, pahina 13-16. Idoon an kahalagahan nin paghuhulit na may pagkapusoan.

20 min: “Pakikinabang sa Librong An Sekreto sa Kaogmahan nin Pamilya.”a Sabihon an napapalaen na mga kabtang kan publikasyon na iyan. Repasohon an iskedyul para sa pag-adal sa libro asin an mga instruksion na yaon sa pahina 3 kan isyung ini kan An Satong Ministeryo sa Kahadean. Dagkahon an gabos na regular na umatender asin lubos na makikabtang sa pagkomento. Interbiohon nin halipot an saro o duwang parahayag na midbid na nag-aandam na marhay sa mga pagtiripon, asin hapoton sinda kun ano an nagmomotibar sa sainda na gibohon iyan.

Kanta 147

Semana nin Hulyo 21

Kanta 95

10 min: Lokal na mga paisi. Piniling Mga Paisi sa An Satong Ministeryo sa Kahadean. Pagirumdomon an mga nagdadangog na darahon an Watchtower na Agosto 1 asin an Awake! na Agosto sa Pagtiripon sa Paglilingkod sa masunod na semana asin na mag-andam na pag-olayan an angay na mga presentasyon para sa lokal na teritoryo.

15 min: Lokal na mga pangangaipo.

20 min: “Pag-andam​—Importanteng Marhay sa Epektibong mga Pagdalaw Liwat.”b Iiba an apat na minutong monologo nin sarong parahayag na nag-aandam para sa saiyang mga pagdalaw liwat. Rerepasohon nia an saiyang mga rekord asin madesisyon sia na kaipuhan niang dalawon an duwang indibiduwal sa katapusan kan semanang ini. Dangan, sa lambang saro sa duwang iyan, iisipon nia an ipinakipag-olay nia kan nakaagi, aaramon nia an saiyang katuyohan, asin mag-aandam sia kun paano magigibo an saiyang katuyohan. Sa saro, nag-aandam sia na mag-alok nin pag-adal sa Biblia. Sa saro pa, nag-aandam sia na kultibaron an interes paagi sa paggamit nin suhestion hale sa parapo 5.

Kanta 189

Semana nin Hulyo 28

Kanta 6

10 min: Lokal na mga paisi. Pagirumdomon an gabos na itao an report nin paglilingkod sa langtad para sa Hulyo. Basahon an report sa kuenta asin mga pasasalamat sa donasyon. Sambiton an alok sa Agosto, asin idemonstrar an sarong presentasyon.

15 min: Pagpapadanay kan Satong Pakamate nin Pag-apura. Entusiastikong pahayag basado sa Torrengbantayan na Disyembre 15, 2006, pahina 18-19, parapo 17-21.

20 min: Mag-andam sa Pag-alok kan Bagong mga Magasin. Pakikipag-olay sa mga nagdadangog. Pakatapos na magtao nin halipot na sumaryo kan Awake! na Agosto asin Watchtower na Agosto 1, hapoton an mga nagdadangog kun arin na mga artikulo an puedeng magustohan kan mga tawo sa teritoryo asin kun taano. Imbitaran an mga nagdadangog na magsambit nin espesipikong mga punto sa mga artikulo na pinaplano nindang itampok. Ano an puedeng ihapot tanganing makapoon nin pag-oolay? Arin na teksto sa artikulo an puedeng basahon sa panahon na iyan? Ginagamit an saro sa sampol na mga presentasyon sa An Satong Ministeryo sa Kahadean o an sarong presentasyon na isinuherir kan mga nagdadangog, idemonstrar kun paano puedeng ialok an lambang magasin.

Kanta 106

Semana nin Agosto 4

Kanta 222

10 min: Lokal na mga paisi.

15 min: Andam daw an Saindong mga Aki Para sa Saindang Napapalaen na Teritoryo? Pahayag asin pakikipag-olay sa mga nagdadangog. Sabihon an nagkapira sa mga problemang napapaatubang sa Kristianong mga hoben sa eskuelahan. Ipaliwanag kun paano puedeng gamiton nin mga magurang asin kan saindang mga aki an Watch Tower Publications Index tanganing makakua nin nakakatabang na impormasyon. Magtao nin nagkapirang halimbawa. (Helingon an pangenot na titulong “Schools,” sa subtemang “experiences.”) Imbitaran an mga pinadakula sa Kristianong mga pamilya na magkomento kun paano sinda inandam kan saindang mga magurang na atubangon an mga problema asin iaplikar sa eskuelahan an mga prinsipyo sa Biblia. Puede man nindang sambiton an inandam nindang mga report sa eskuelahan manongod sa mga temang yaon sa Awake! Hagadon sa sainda na ipaliwanag kun paano nagserbing proteksion an pagpapatotoo sa saindang napapalaen na teritoryo.

20 min: “Itinutumba Niato an mga Bagay na Marigonon an Pagkaestablisar.”c Imbitaran an mga nagdadangog na magkomento kun paano sinda mapasensiang tinabangan kan nagtokdo sa sainda kan Biblia na bayaan an falsong relihiosong mga paniniwala na pinangangaptan nin marigon kaidto.

Kanta 83

[Nota sa Ibaba]