Repaso sa Teokratikong Paadalan sa Pagmiministro
An minasunod na mga hapot pag-oolayan sa Teokratikong Paadalan sa Pagmiministro durante kan semana poon Agosto 25, 2008. Pamamayohan kan paraataman sa paadalan an 30 minutos na repaso basado sa mga reperensia na kinobrehan sa mga asignasyon para sa mga semana nin Hulyo 7 sagkod Agosto 25, 2008.
MGA KUALIDAD SA PAGTARAM
1. Paano niato ikakapaheling an pagkarasonable kun ipinapaabot sa iba an katotoohan? (Fil. 4:5) [be p. 251 par. 3]
2. Paano puedeng makatabang sa sato an halimbawa ni Pablo kan nakikipag-olay sia sa mga Griego sa Areopago kun kita nagpapatotoo sa mga dai minimidbid an Biblia bilang sarong autoridad? (Gibo 17:22, 23) [be p. 252 par. 1-2]
3. Dawa kun tibaad kombensido kita na sala an kaolay niato, paano niato ikakapaheling an pagkarasonable sa pagtratar sa saiya? [be p. 253 par. 1-2]
4. Mantang hinihingoa niatong magtaram sa nakakakombensir na paagi, ano an maninigo niatong tandaan? [be p. 255 par. 3 asin kahon]
5. Paano niato magagamit an pakamansay kun hinihingoa na mataros an puso nin saro na naghihinanyog? (Tal. 20:5) [be p. 258 par. 1-5]
ASIGNASYON NUM. 1
6. Ano an maninigo na isaisip nin mga tugang na babae kun may eksena an saindang asignasyon? [be p. 44 par. 5-6]
7. Ano an maninigong hingoahon na magibo nin mga tugang na lalaki kun tinotokar ninda an tampok na mga kabtang sa Biblia? (Neh. 8:8) [be p. 47 par. 2-3]
8. Paano maninigong gibohon nin sarong tugang na lalaki an asignasyon sa Pagtiripon sa Paglilingkod na igwa nin demonstrasyon o interbio? [be p. 49 par. 5]
9. Paano idinodoon kan libro nin Gibo an paagi asin hiwas kan gigibohon na pagpatotoo? (Gibo 20:20, 21; 28:23) [bsi08-1 Gibo par. 35]
10. Ano an magigibo nin sarong nagpapahayag sa publiko tanganing siertohon na an Biblia iyo an basehan kan saiyang pahayag? (Gibo 17:2, 3) [be p. 52 par. 6–p. 53 par. 2]
SEMANAL NA BABASAHON SA BIBLIA
11. Taano ta gusto kan bantay sa bilanggoan sa Filipos na ‘gadanon an saiyang sadiri’? (Gibo 16:25-27) [w90-E 5/15 p. 25 asin kahon]
12. Ano an nagin reaksion ni Aristarco asin Gayo sa persekusyon? (Gibo 19:29; 20:4, 5) [w08 2/15 p. 10 par. 16-17]
13. Ano an boot sabihon na si Saulo ‘nagpaparasipa sa sogkod na panudok’? (Gibo 26:14) [w03 10/1 p. 32]
14. Paano ‘an kasalan naagyat’ huli sa togon nin Dios sa Israel? (Roma 7:8, 11) [w08 6/15 “An Tataramon ni Jehova Buhay—Tampok na mga Kabtang sa Libro nin Roma”]
15. Paano kita ‘nagtatambak nin baga’ sa payo nin sarong kaiwal? (Roma 12:20) [w08 6/15 “An Tataramon ni Jehova Buhay—Tampok na mga Kabtang sa Libro nin Roma”]