Mga Paisi

◼ Alok sa Agosto: Puedeng ialok an arin man sa mga brosyur. Setyembre: Ano Man Nanggad an Itinotokdo kan Biblia? Gumibo nin espesyal na paghihingoa na makapoon nin mga pag-adal sa Biblia sa enot na pagdalaw. Kun an mga kagharong igwa na kan publikasyon na ini, ipaheling kun paano sinda puedeng makinabang dian paagi sa halipot na pagdemonstrar nin pag-adal sa Biblia. Oktubre 1-19: Mga magasin na An Torrengbantayan asin Awake! Oktubre 20–Nobyembre 16: Espesyal na distribusyon kan pulyetong Gusto daw Nindong Maaraman an Katotoohan? Nobyembre 17-30: Ano Man Nanggad an Itinotokdo kan Biblia? Maghingoang marhay na makapoon nin mga pag-adal sa Biblia.

◼ Kaiba kan kuenta kan Hunyo, maresibi an lambang kongregasyon nin duwang kopya kan Congregation Analysis Report (S-10). Susuratan kan sekretaryo kan kongregasyon an pormang ini nin tama asin malinig, na pagkatapos kaiyan maninigo iyan na maingat na siyasaton kan komite sa paglilingkod. Sa likod na pahina kan pormang ini kaipuhan na ilista an gabos na regular payunir, na ipinapaheling an saindang total na oras para sa taon nin paglilingkod. Maninigong ipadara sa sangang opisina an orihinal kan pormang ini pag-abot nin Setyembre 6, 2008. Isaray an ikaduwang kopya sa saindong file.

◼ Maninigong ipadara na ngonyan sa sangang opisina an mga pedido para sa Pagsiyasat sa Kasuratan Aroaldaw​—2009 asin 2009 Calendar. Mapadara kami nin special order blank para sa duwang ini kaiba kan bulanan na kuenta. Kun nagkapirang kongregasyon an naggagamit nin sarong Kingdom Hall, titiponon kan nagkokoordinar kan literatura an mga pedido hale sa lambang kongregasyon asin pag-iiribanon an mga iyan sa sarong order blank na ipapadara sa sangang opisina pag-abot nin Agosto 15, 2008.