Kun Ano an Sasabihon Manongod sa mga Magasin

An Torrengbantayan Enero-Marso

Basahon an Genesis 2:16, 17. Dangan sabihon: “May mga nagsasabi na aram na nin Dios antes pa na magkakasala si Adan. An iba man naniniwala na kun aram na nin Dios an magigin resulta, pagsaginsagin sana an pagpatanid nia. Ano sa paghona nindo? [Pasimbagon.] Ipinapaliwanag kan artikulong ini na nagpopoon sa pahina 13 kun paano ginagamit nin Dios an saiyang kakayahan na aramon an ngapit.”

Awake! Enero

“Naniniwala an nagkapira na an relihiosong pagtubod mas nakabasar sa emosyon kisa sa marahay na pangangatanosan. Ano sa paghona nindo? [Pasimbagon.] Sabi sa Biblia, an relihiosong pagtubod dapat bakong buta. [Basahon an 1 Juan 4:1.] Ipinapaliwanag kan artikulong nagpopoon sa pahina 28 kun paano masisierto na an satong pagtubod marigon na nakabasar sa tamang pangangatanosan.”

The Watchtower Pebrero 1

“Ordinaryo na sanang marhay ngonyan an diborsio. Ano sa paghona nindo an pinakadahelan kaini? [Pasimbagon.] Mangnoha an sadol na ini na nakatabang sa dakol na mag-agom. [Basahon an 1 Corinto 10:24.] Tinotokar sa magasin na ini an anom na parateng irinereklamo kan mga may agom asin ipinapaheling kaini kun paano makakatabang an pag-aplikar kan mga prinsipyo sa Biblia.”

Awake! Pebrero

“Garo baga padakol nin padakol an nawiwili sa mga bampira, aswang, asin engkanto. Sa paghona daw nindo dai kita maaano kun maiimbuelto kita sa okulto? [Pasimbagon.] Mangnoha an patanid na ini nin Dios sa suanoy na Israel. [Basahon an Deuteronomio 18:10-12.] Ipinapaheling kan magasin na ini kun ano an sinasabi kan Biblia manongod sa okulto.”