Kun Ano an Sasabihon Manongod sa mga Magasin

An Torrengbantayan Enero-Marso

“Sa paghona daw nindo may pagmakolog an Dios sa nangyayaring pagraot kan palibot? [Pasimbagon. Dangan basahon an Kapahayagan 11:18.] Nagtatao an artikulong ini nin sono sa Kasuratan na mga dahelan na magin positibo manongod sa ngapit kan daga.” Itampok an artikulo sa pahina 18.

Awake! Enero

“Kun napapaatubang sa mga problema, dakol na tawo an nag-iisip na pinapadusahan sinda nin Dios. Nag-isip na daw kamo nin arog kaiyan? [Pasimbagon. Dangan basahon an Santiago 1:13.] Ipinapaliwanag kan artikulong ini an tunay na ginigikanan kan satong mga problema asin kun taano ta makakasarig kita na sa dai na mahahaloy, matatapos na an satong mga problema.” Itampok an artikulo na nagpopoon sa pahina 28.

The Watchtower Pebrero 1

“Sa paghona daw nindo an gabos na relihion inaako nin Dios? [Pasimbagon.] Mangnoha an sinabi digdi ni Jesus sa bagay na iyan. [Basahon an Mateo 15:8, 9.] Ipinapaliwanag kan artikulong ini kun baga inaako nin Dios an gabos na klase nin pagsamba.” Itampok an artikulo sa pahina 9.

Awake! Pebrero

“An gabos na bagay manongod sa daga nagpaparisa na ginibo iyan tanganing sustentohan an buhay. Sa paghona daw nindo aksidente sana ini, o naniniwala daw kamo na nagpapaheling iyan na dinisenyo iyan nin sarong Kaglalang? [Pasimbagon.] Dakol na tawo an minaoyon sa tekstong ini sa Biblia. [Basahon an Salmo 104:24.] Sinisiyasat kan magasin na ini an sientipiko asin sono sa Kasuratan na ebidensia na may Kaglalang.”