Kun Ano an Sasabihon Manongod sa mga Magasin

The Watchtower Pebrero 1

“An kadaklan sa sato may sadiri nang relihion. Sa paghona daw nindo mahalaga sa Dios kun paano niato sia sinasamba? [Pasimbagon. Dangan basahon an Mateo 15:9.] Ipinapaliwanag kan artikulong ini an apat na aspekto nin tunay na pagsamba siring kan sinabi ni Jesus.” Itampok an artikulo na nagpopoon sa pahina 16.

Awake! Pebrero

“May mga naniniwala sa sarong Kaglalang, mantang an iba naghohona na an siring na paniniwala bakong sientipiko asin bakong rasonable. Ano an opinyon nindo digdi? [Pasimbagon.] Oyon sa Biblia, an tunay na pagtubod nakabasar sa ebidensia. [Basahon an Hebreo 11:1.] Ipinapaliwanag kan artikulong ini an nagkapira sa mga ebidensia na igwa nin Kaglalang.” Itampok an artikulo na nagpopoon sa pahina 22.

The Watchtower Marso 1

“Ibinibilang daw nindo an Biblia na Tataramon nin Dios, o iniisip daw nindo na iyan saro sanang marahay na libro? [Pasimbagon.] Mangnoha an sinasabi mismo kan Biblia. [Basahon an 2 Timoteo 3:16, 17.] Ipinapaliwanag kan magasin na ini kun paano magibo nin may kabatidan na desisyon dapit sa isyung ini asin kun taano ta mahalagang gibohon iyan.”

Awake! Marso

“Arog kan kadaklan na tawo, naghahanga gayod kamo sa kagayonan nin naturalesa. Maoyon daw kamo na ipinapaheling man kan naturalesa an madonong na disenyo? [Pasimbagon. Dangan basahon an Salmo 104:24.] An magasin na ini nagsasambit nin interesanteng mga halimbawa kan disenyo na manonompongan sa naturalesa asin nagpapaliwanag kun ano an itinotokdo kan mga ini sa sato.”