Kun Ano an Sasabihon Manongod sa mga Magasin

The Watchtower Mayo 1

“Ano daw kutana an kamugtakan kan kinaban kun an mga tataramon na ini ni Jesus sinusunod kan gabos? [Basahon an Mateo 7:12. Dangan pasimbagon.] Tinotokar kan artikulong ini an nagkapira sa mga katokdoan ni Jesus tanganing ipaheling kun ano talaga an kalabot sa pagigin sarong Kristiano.” Itampok an artikulo na nagpopoon sa pahina 16.

Awake! Mayo

“Sa paghona daw nindo magigin marahay an kamugtakan kan ekonomiya sa dai na mahahaloy? [Pasimbagon.] Dakol an dai nakakaaram kun paano makakatabang sa sato an Biblia durante nin siring kadepisil na mga panahon. [Basahon an sarong teksto na yaon sa artikulo.] Ipinapaheling kan artikulong ini kun paano makakatabang sa sato an sadol sa Biblia tanganing makayanan an kawaran nin kasegurohan sa ekonomiya.” Itampok an artikulo na nagpopoon sa pahina 18.

The Watchtower Hunyo 1

“Bakong arog kan nakaaging mga taon, dakol na relihion ngonyan an mayong sinasabi manongod sa kasalan. Naniniwala daw kamo na an kasalan sarong ideya na lihis na sa panahon, o iyan daw sarong bagay na dapat niatong tawan nin atension? [Pasimbagon. Dangan basahon an Roma 5:12.] Ipinapaheling kan magasin na ini an sinasabi kan Biblia manongod sa kasalan.”

Awake! Hunyo

“Garo baga nagigin mas nakakatension an buhay. Minaoyon daw kamo? [Pasimbagon.] Dakol an naniniwala na ipinapaheling kan mga tataramon na ini an sarong dahelan nin grabeng tension. [Basahon an 2 Timoteo 3:1.] Tinotokar kan magasin na ini kun paano kita naaapektaran nin tension. Nagtatao man iyan nin nagkapirang suhestion kun paano niato makokontrol an tension.”