Kun Ano an Sasabihon Manongod sa mga Magasin

The Watchtower Marso 1

“Talagang masakit gibohon an tama kun ginigipit kita nin mga tawo na gibohon an sala. Ano sa paghona nindo an makakatabang sa sato na dai magpadara? [Pasimbagon. Dangan basahon an Talinhaga 29:25.] An nakakatabang na artikulong ini nagtatao nin limang dahelan na matakot na mapamondo an Dios imbes na an tawo.” Itampok an artikulo na nagpopoon sa pahina 12.

Awake! Marso

“Inaapresyar niato gabos an pagkaigwa nin marahay na mga katood. Anong mga kualidad an pinapahalagahan nindo sa sarong katood? [Pasimbagon.] Mangnoha an paglaladawan na ini sa Biblia. [Basahon an Talinhaga 17:17.] An artikulong ini igwa nin mga suhestion sa pagpili nin marahay na mga katood asin sa pagigin marahay na katood nin iba.” Itampok an artikulo na nagpopoon sa pahina 18.

An Torrengbantayan Abril-Hunyo

“Gusto kong maaraman an saindong opinyon sa sinabing ini ni Jesus. [Basahon an Juan 3:3.] Ano sa paghona nindo an kahulogan kan mamundag giraray? [Pasimbagon.] An tamang pakasabot sa mga komento ni Jesus magkakaigwa nin epekto sa satong buhay asin sa mga inaasahan niato sa ngapit. Ipinapaliwanag kan magasin na ini kun taano.”

Awake! Abril

“Dakol na aking nag-eeskuela an garo baga natetension. Sa paghona daw nindo iba na an panahon ngonyan kisa kan panahon kan saindang mga magurang? [Pasimbagon.] An dai maninigong tension puedeng magkaigwa nin maraot na mga epekto. [Basahon an Eclesiastes 7:7a.] Tinotokar kan magasin na ini kun paano makakatabang an mga adulto na makaya kan mga hoben an tension.”