Kun Ano an Sasabihon Manongod sa mga Magasin

The Watchtower Marso 1

Basahon an Exodo 20:15. Dangan magsabi: “Minsan ngani an kadaklan nagpoprobar na sumunod sa togon na ini, an nagkapira naghohona na an paghabon asin iba pang klase nin pandadaya puedeng ipangatanosan kun nasa masakit nanggad na mga kamugtakan. Ano an opinyon nindo? [Pasimbagon.] Ipinapaliwanag kan artikulong ini an mga pakinabang sa pagigin sadiosan sa gabos na panahon.” Itampok an artikulo na nagpopoon sa pahina 12.

Awake! Marso

“Iginagalang nin dakol an Biblia alagad iniisip ninda na an kadaklan kan laog kaiyan kadikit sana an praktikal na halaga sa presenteng panahon niato. Ano sa paghona nindo? [Pasimbagon. Dangan basahon an Roma 15:4.] Ipinapaliwanag kan artikulong ini kun taano ta may halaga pa man giraray dawa an mas daan na mga kabtang kan Biblia.” Itampok an artikulo na nagpopoon sa pahina 28.

An Torrengbantayan Abril-Hunyo

“Kun pinapapili kun siisay an pinakamaimpluwensiang tawo sa kasaysayan, dakol an nagsasabing si Jesus. Sia daw an napili nindo? [Pasimbagon.] Mangnoha kun taano ta maninigo kitang maingat na mamili sa nagkokorontrahan na mga opinyon manongod sa saiya tanganing maaraman an katotoohan. [Basahon an Juan 17:3.] Ipinapaheling kan espesyal na isyung ini kan An Torrengbantayan kun ano talaga an sinasabi kan Biblia manongod ki Jesus asin sa saiyang mga katokdoan.”

Awake! Abril

“Garo baga mayo kita nin igong panahon tanganing magibo an gabos na gusto niato. Minaoyon daw kamo? [Pasimbagon.] Nanompongan nin dakol na nakakatabang an sadol na ini. [Basahon an Filipos 1:10.] An magasin na ini nagtatao nin nagkapirang praktikal na suhestion tanganing tabangan kita na gamiton nin epektibo an satong panahon.”