Kun Ano an Sasabihon Manongod sa mga Magasin

The Watchtower Marso 1

“May magkakakontrang mga opinyon manongod ki Jesus. Para sa saindo, sia daw an aki nin Dios o saro sanang marahay na tawo?” Pasimbagon. Dangan magkaibang basahon an nasa irarom kan saro sa mga hapot na mas maitom an letra sa pahina 16-17 asin an saro sa sitadong mga teksto. Ialok an mga magasin, asin iareglo na bumalik tanganing pag-olayan an simbag sa sunod na hapot.

Awake! Marso

Kun may makaolay kamo na sarong hoben, ipaheling an artikulo na nagpopoon sa pahina 26. Itokdo an enot na subtema asin maghapot, “Ano sa heling mo, tama daw o sala an mga sinasabi digdi? [Pasimbagon. Dangan basahon an 2 Corinto 7:1.] Ipinapaliwanag kaini an kaipuhan mong maaraman dapit sa paninigarilyo, pati na kun paano iyan popondohon nin saro.”

An Torrengbantayan Abril-Hunyo

“Dakol na tawo an may manlaenlaen nanggad na paniniwala manongod ki Jesus. Sa heling nindo, mahalaga daw na maaraman an katotoohan manongod sa saiya? [Pasimbagon. Dangan basahon an Juan 17:3.] Ipinapaliwanag kan magasin na ini kun ano an sinasabi kan Biblia dapit ki Jesus—kun saen sia hale, kun ano an nagin pamumuhay nia, asin kun taano ta sia nagadan.”

Awake! Abril

“Maoyon daw kamo na an pagkagadan nin namomotan saro sa pinakamakokolog na eksperyensia na puedeng atubangon nin sarong tawo? [Pasimbagon.] Nakatabang sa dakol an sadol na ini. [Basahon an Salmo 55:22.] Tinotokar kan magasin na ini an nagkapirang praktikal na paagi kun paano makakayanan an kamondoan, kaiba na an kun paano ipapasa sa Dios an nakakapagabat sa sato.”