Kun Ano an Sasabihon Manongod sa mga Magasin

The Watchtower Agosto 1

“Dakol an nag-iisip na an gabos na marahay na tawo maduman sa langit. Iyan daw an paniniwala nindo? [Pasimbagon.] Mangnohon kun ano an sinasabi kaini manongod sa daga. [Basahon an Salmo 37:11, 29.] Ipinapaheling kan artikulong ini kun ano an itinokdo ni Jesus manongod sa ngapit kan katawohan digdi sa daga.” Itampok an artikulo na nagpopoon sa pahina 22.

Awake! Agosto

“Pira sanang pangyayari sa buhay an mas makolog pa sa pagkagadan nin magurang. Oyon daw kamo? [Pasimbagon.] Dakol an naranga kan mga teksto sa Biblia arog baga kan sarong ini. [Basahon an Kapahayagan 21:4.] Ipinapaliwanag kan artikulong ini kun paano makakaya an grabeng emosyon na resulta kaiyan, nangorogna nin sarong hoben.” Itampok an artikulo na nagpopoon sa pahina 10.

The Watchtower Setyembre 1

“May mga nagsasabi na kun maimbod kamo sa Dios, bebendisyonan nia kamo nin kayamanan alagad an kadukhaan tanda na an saro dai inooyonan nin Dios. Ano daw sa paghona nindo? [Pasimbagon.] Interesante nanggad, si Jesus dai nagin mayaman. [Basahon an Lucas 9:58.] Ipinapaliwanag kan magasin na ini kun anong klaseng bendisyon an puedeng asahan kan mga lingkod nin Dios.”

Awake! Setyembre

“Sa paghona daw nindo mas dakol an kasakitan kan mga hoben ngonyan kisa kan nakaaging mga taon? [Pasimbagon.] Naniniwala an dakol na eksaktong ilinaladawan kan tekstong ini an presenteng panahon niato. [Basahon an 2 Timoteo 3:1.] An magasin na ini nagtatao nin nagkapirang praktikal na mga prinsipyo sa Biblia tanganing tabangan an mga magurang asin mga hoben na makaya iyan.”