Kun Ano an Sasabihon Manongod sa mga Magasin

An Torrengbantayan Hulyo-Setyembre

“Sa paghona daw nindo posible na makanompong nin panglaog na katoninongan sa maribok na mga panahon na ini? [Pasimbagon.] Mangnohon an sinasabi kan Biblia sa Filipos 4:6, 7. [Basahon.] Ipinapaliwanag kan artikulong ini kun paano niato maeeksperyensiahan an katoninongan na itinatao nin Dios.” Itampok an artikulo na nagpopoon sa pahina 10.

Awake! Hulyo

“An kadaklan sa sato nagpapasalamat sa mga itinokdo sa sato kan satong mga magurang. Sa paghona daw nindo kadaihan nin paggalang na eksaminon an relihiosong mga katokdoan na nanodan niato kan kita aki pa? [Pasimbagon. Dangan basahon an 1 Juan 4:1.] Ipinapaheling kan artikulong ini kun baga sala na magbago kita nin relihion.” Itampok an artikulo na nagpopoon sa pahina 28.

The Watchtower Agosto 1

“An nagkapira nagsasabi na an gabos na relihion garo baga manlaenlaen na tinampo pasiring sa saro sanang Dios. Sa paghona daw nindo an gabos na relihion marahay? [Pasimbagon. Dangan basahon an Mateo 7:13, 14.] Nagsasambit an magasin na ini nin tolong espesipikong bagay na sinasabi kan Biblia na maninigong palakopon nin marahay na relihion.”

Awake! Agosto

“Gabos kita nabiktima na nin bakong makatanosan na diskriminasyon. Ano sa paghona nindo an namamatean nin Dios manongod sa diskriminasyon? [Pasimbagon. Dangan basahon an Gibo 10:34, 35.] Matatabangan kita kan Biblia na maatubang an mga problema kun kita biktima nin diskriminasyon. Nagtatabang man iyan sa sato na mahale an ano man na pakamate nin diskriminasyon na yaon sa sato. Ipinapaliwanag iyan kan magasin na ini.”