Kun Ano an Sasabihon Manongod sa mga Magasin

The Watchtower Hunyo 1

“Dakol an naniniwala na an mga relihion sa kinaban siring sa manlaenlaen na tinampo pasiring sa saro sanang Dios. Ano an opinyon nindo digdi? [Pasimbagon.] Mangnoha kun ano an sinasabi kan Biblia. [Basahon an Josue 24:15.] Nagtatao an artikulong ini nin mapuersang mga dahelan na siyasaton niato personalmente kun baga an satong relihion naggigiya sa sato sa tunay na Dios.” Itampok an artikulo na nagpopoon sa pahina 12.

Awake! Hunyo

“Kita gabos may midbid na mga nagadan. Sa paghona daw nindo dapat na matakot kita na an nagkapira sa sainda tibaad maanggot asin magmawot na gibohan kita nin maraot? [Pasimbagon. Dangan basahon an Eclesiastes 9:5, 6.] Mararanga kamo kan artikulong ini.” Itampok an artikulo na nagpopoon sa pahina 22.

An Torrengbantayan Hulyo-Setyembre

“Dakol na tawo na igwa nin Biblia an nasasakitan na saboton iyan. Namatean na daw nindo iyan? [Pasimbagon.] Segun sa tekstong ini, gusto kan Autor kan Biblia na masabotan niato an saiyang nasusurat na Tataramon asin na makinabang kita dian. [Basahon an Salmo 119:130.] Nagtatao an magasin na ini nin tolong suhestion na makakatabang sa sato na masabotan an Biblia.”

Awake! Hulyo

“Ngonyan, dakol an naaapektaran nin depresyon. Sa paghona daw nindo an Dios personalmenteng interesado sa mga nagdudusa sa emosyon? [Pasimbagon. Dangan basahon an Salmo 34:18.] Ipinapaliwanag kan magasin na ini kun paano an mga may depresyon puedeng mag-ako nin tabang hale sa Dios, minsan ngani kaipuhan man ninda nin medikal na pagbolong. Nagtatao man iyan nin mga suhestion sa kun ano an puede niatong sabihon tanganing maranga sinda.”