Kun Ano an Sasabihon Manongod sa mga Magasin

An Torrengbantayan Hulyo-Setyembre

“Dakol sa sato an dai segurado kun ano an sasabihon sa sarong amigo o amiga na may grabeng helang o magagadan na. Ano an masasabi nindo sa sadol na ini? [Basahon an Santiago 1:19. Dangan pasimbagon.] An artikulong ini nagtatao nin nagkapirang praktikal na suhestion na basado sa mga prinsipyo sa Biblia.” Itampok an artikulo na nagpopoon sa pahina 10.

Awake! Hulyo

“Dapat daw na ordenan an mga babae bilang mga ministro? [Pasimbagon.] Uni an sinasabi kan Biblia manongod sa sarong babae. [Basahon an Roma 16:1.] Pero, an saro pang teksto nagsasabi na an mga babae dapat magdanay na daing girong sa kongregasyon. Kaya, ano daw an pagmansay kan Biblia? Ipinapaliwanag iyan kan artikulong ini.” Itampok an artikulo na nagpopoon sa pahina 28.

The Watchtower Agosto 1

“Dakol an natatakot na sarong guerra nuklear o pagbabago sa klima an maraot o malaglag kan daga. Sa paghona daw nindo mangyayari pa iyan? [Pasimbagon.] Mangnoha an sinasabi kan Biblia sa bagay na ini. [Basahon an Kapahayagan 11:18.] Sinisimbag kan magasin na ini an apat na bagay na parateng ihinahapot manongod sa katapusan kan kinaban.”

Awake! Agosto

“Posibleng marhay na nakaolay na kamo kaidto nin mga Saksi ni Jehova. Napag-isip-isip na daw nindo kun taano ta kami naghaharongharong, nangorogna mantang an kadaklan bakong interesado? [Pasimbagon. Dangan basahon an Mateo 24:14.] Naririsa mi na dakol an may mga salang paghona manongod samo. Ipinapaliwanag kan magasin na ini kun siisay an Mga Saksi ni Jehova.”