Kun Ano an Sasabihon Manongod sa mga Magasin

An Torrengbantayan Abril-Hunyo

“An nagkapirang tawo naniniwala na itinalaga na kan kapaladan an satong ngapit, mantang an iba naghohona na kita an nagpipili kan kaaabtan ta. Ano sa paghona nindo? [Pasimbagon.] Mangnoha an interesanteng sinabi digdi. [Basahon an Eclesiastes 9:11.] Tinotokar kan artikulong ini an simbag kan Biblia sa hapot na, ‘Kita daw itinalaga na?’” Itampok an artikulo sa pahina 26.

Awake! Abril

“Dakol na pag-agoman an natatapos sa diborsio huli sa pagigin bakong maimbod. Sa paghona daw nindo makakatabang an pag-aplikar kan tekstong ini tanganing magdanay an pag-agoman? [Basahon an Mateo 5:28. Dangan pasimbagon.] Ginagamit kan artikulong ini an Biblia tanganing tabangan an mga mag-agom na likayan an siod na pagtraydor sa agom.” Itampok an artikulo na nagpopoon sa pahina 28.

The Watchtower Mayo 1

“Ano daw sa paghona nindo an tibaad nagpapadepisil sa sarong tawo na magtubod sa Dios? [Pasimbagon.] Segun sa tekstong ini, mahalaga an pagtubod. [Basahon an Hebreo 11:6.] An magasin na ini nagpapaliwanag nin apat na paagi na puede niatong gibohon tanganing pakosogon an satong pagtubod.”

Awake! Mayo

“Padakol nang padakol na tawo ngonyan an nag-aabuso sa irineresetang mga bolong. Ano daw sa paghona nindo an dahelan kaini? [Pasimbagon.] An Biblia nagsasambit nin sarong mayor na dahelan na nakakakontribwir dian, lalo na sa mga aki. [Basahon an Talinhaga 13:20.] Tinotokar kan magasin na ini kun paano nindo mapoprotehiran an saindong sadiri asin pamilya sa epidemyang ini na lakop sa kinaban.”