Kun Ano an Sasabihon Manongod sa mga Magasin

The Watchtower Nobyembre 1

“Sa paghona daw nindo interesado an mga anghel sa ginigibo ta? [Pasimbagon.] Ini an interesanteng sinasabi kan Biblia. [Basahon an Lucas 15:10.] Ipinapaliwanag kan artikulong ini an sinabi ni Jesus manongod sa kun paano nakakaapektar sa sato an espiritung mga linalang.” Itampok an artikulo na nagpopoon sa pahina 16.

Awake! Nobyembre

Basahon an 2 Timoteo 3:16. Dangan sabihon: “Oyon daw kamo asin naniniwala na makakapagtiwala kita sa gabos na sinasabi kan Biblia? [Pasimbagon.] Ipinapaliwanag kan artikulong ini kun baga sinusuportaran kan arkeolohiya asin sekular na kasaysayan an sinasabi kan Biblia manongod sa suanoy na Egipto.” Itampok an artikulo na nagpopoon sa pahina 15.

The Watchtower Disyembre 1

“Dakol an naniniwala na sa rona nin mga espiritu igwa nin mga linalang na may intelihensia asin nakakaimpluwensia sa satong buhay. Ano sa paghona nindo? [Pasimbagon. Dangan basahon an Kapahayagan 12:7-9.] Ipinapaheling kan magasin na ini kun ano an sinasabi kan Biblia manongod sa mga nasa rona nin mga espiritu, kun paano sinda nakakaapektar sa sato, asin kun baga puede kitang makikomunikar sa sainda.”

Awake! Disyembre

“Napag-isip-isip na daw nindo kun taano ta sineselebrar an Pasko kun Disyembre 25 mantang dai man sinasabi kan Biblia kun kasuarin namundag si Jesus? [Pasimbagon.] Segun sa tekstong ini, si Jesus imposibleng ipinangaki durante nin tiglipot. [Basahon an Lucas 2:8.] Ihinahayag kan magasin na ini kun saen hale an nagkapirang popular na kostumbre nin Pasko.”