Mga Paisi

◼ Alok sa Setyembre asin Oktubre: An mga magasin na An Torrengbantayan asin Awake! Kun nagdadalaw liwat, ipahiling an librong Itinotokdo kan Biblia o an brosyur na Magdangog sa Dios Asin Mabuhay nin Daing Katapusan, saka pagmaigotan na makapoon nin pag-adal sa Biblia. Nobyembre asin Disyembre: Puedeng itampok kan mga parahayag an saro sa minasunod na mga tract: Madali Nang Matapos an Gabos na Pagdusa!, Maogma sa Buhay Pampamilya, An Kinaban daw na Ini Magdadanay?, o What Hope for Dead Loved Ones? Kun magpahiling nin interes, pagmaigotan na makapoon nin pag-adal sa Biblia gamit an tract na Gusto daw Nindong Maaraman an Katotoohan? o an librong Itinotokdo kan Biblia.

◼ Dapat i-audit kan inasignaran kan parakoordinar kan grupo nin kamagurangan an kuenta kan kongregasyon para sa mga bulan nin Hunyo, Hulyo, asin Agosto.—Hilingon an Instructions for Congregation Accounting (S-27).

◼ Pinapagirumdom an kamagurangan na padagos na sunodon an mga instruksion sa pahina 15-17 kan An Torrengbantayan na Mayo 1, 1991 (w91-E 4/15 p. 21-23) mapadapit sa siisay man na tiwalag o disasosyado na tibaad gusto nang bumalik.

◼ An espesyal na pampublikong pahayag para sa panahon nin Memorial sa 2013 gigibohon sa semana nin Abril 1. Ipapaisi na sana an tema kan pahayag. An mga kongregasyon na dadalawon kan paraataman nin sirkito o may asamblea sa katapusan kan semanang iyan magkakaigwa kan espesyal na pahayag sa masunod na semana. Mayong kongregasyon na maninigong magkaigwa nin espesyal na pahayag bago Abril 1.