Sampol na mga Presentasyon

Sa pagpoon nin mga pag-adal sa Biblia sa enot na Sabado nin Oktubre

“Segurado ako na maoyon kamo na garo halipoton nanggad an buhay. Sa paghona nindo, maabot pa daw an panahon na mahahale niato an helang asin mapapalawig an satong buhay? [Pasimbagon.] Hilingon nindo an sinasabi digdi.” Itao sa kagharong an Torrengbantayan na Oktubre 1, asin pag-olayan an enot na subtema sa pahina 16 asin an sitadong teksto. Ialok an mga magasin, asin iareglo an pagdalaw liwat tanganing pag-olayan an sunod na hapot.

The Watchtower Oktubre 1

“Nagdadalaw kami huling dakol an nahahadit sa grabeng korapsion sa negosyo asin gobyerno. Sa paghona nindo, may magigibo pa daw sa problemang ini? [Pasimbagon.] Hilingon nindo an sinasabi digdi kun paano mahiro si Jesus para sa mga biktima nin korapsion. [Basahon an Salmo 72:12-14.] Ipinapahiling kan magasin na ini kun paanong sa dai na mahahaloy matatapos na an korapsion.”

Awake! Oktubre

“Gusto nin kadaklan na magurang na an saindang mga aki magkaigwa nin marahay na edukasyon. Sa paghona nindo, an mga hoben daw na naggagradwar ngonyan andam nang marhay para sa mga kadepisilan sa buhay? [Pasimbagon.] Hilingon nindo an sinasabi kan Biblia manongod sa kahalagahan nin pagkua nin kaaraman asin kadonongan. [Basahon an Parahulit 7:12.] Sa magasin na ini, may limang praktikal na suhestion na makakatabang sa mga aki na mapakarhay sa pag-eskuela.”