Sampol na mga Presentasyon

Sa pagpoon nin mga pag-adal sa Biblia sa enot na Sabado nin Oktubre

“Sa masakit na mga panahon na ini, kita gabos napapaatubang sa mga problema na nagtataong tension sa mga pamilya. Para saindo, saen kita makakakua nin masasarigan na giya na makakatabang sato na magin maogma an buhay pampamilya?” Pasimbagon. Dangan, tawan an kagharong nin kopya kan Torrengbantayan na Oktubre-Disyembre, asin ipakipag-olay an saro sa mga hapot sa pahina 16 asin 17 saka kisiera saro sa sitadong mga teksto. Ialok an mga magasin, asin sabihon na mabalik liwat tanganing pag-olayan an saro sa iba pang mga hapot.

An Torrengbantayan Oktubre-Disyembre

Ipaheling an tutob kan magasin, asin maghapot, “Ano an mamamatean nindo kun maaraman nindo na biktima kamo nin kaputikan manongod sa Dios? [Pasimbagon.] Mangnohon an sinabi ni Jesus manongod sa kun paano maaaraman an kalaenan kan katotoohan asin kaputikan. [Basahon an Juan 17:17.] Kaya an Biblia sana an nagsasabi sa sato kan katotoohan manongod sa Dios. Ipinapaliwanag kan magasin na ini an limang komun na kaputikan manongod sa Dios na ibinubuyagyag kan Biblia.”

Awake! Oktubre

“Nagdadalaw kami ngonyan bilang serbisyo-publiko sa mga pamilya. Ano an masasabi nindo na pinakadepisil na inaatubang ngonyan nin mga magurang mantang pinapadakula an mga aki? [Pasimbagon.] Dakol na magurang an nagsasarig sa Biblia para sa sadol. Halimbawa, an madonong na sadol na ini makakatabang kun nagdidisiplina sa mga aki ninda. [Basahon an Efeso 4:31.] Ipinapaheling kan magasin na ini kun paano an sadol kan Biblia makakatabang sa mga magurang sa kada tangga kan pagdakula kan saindang aki, poon sa pagkaomboy sagkod sa pagkahoben.”