Sampol na mga Presentasyon

Sa Pagpuon nin mga Pag-adal sa Bibliya sa Inot na Sabado nin Oktubre

“May halipot kaming pagdalaw tanganing ipakipag-ulay an manungod sa marahay na gobyerno. Sa hiling nindo, kaya daw na solusyunan nin arin man na gobyerno an masakit na mga problema arog kan kadahasan asin inhustisya?” Pasimbagon. Sabihon sa kagharong na sa Pamibi kan Kagurangnan, itinukdo ni Jesus sa saiyang mga parasunod na ipamibi na umabot na an siring na gobyerno, an Kahadian nin Diyos. Ipahiling an likod kan Watchtower na Oktubre 1, asin pag-ulayan an inot na hapot saka kisiyera saro sa sitadong mga teksto. Ialok an magasin, asin sabihon na madalaw ka liwat para pag-ulayan an sunod na hapot.

Watchtower Oktubre 1

“May halipot kaming pakikipag-ulay manungod sa pamilyar na mga tataramon na ini sa pamibi na itinukdo ni Jesus sa saiyang mga parasunod. [Basahon an Mateo 6:9, 10.] May nakapagsabi na tabi saindo kun ano an Kahadian nin Diyos saka kun taano ta pirming sinasambit iyan ni Jesus sa saiyang pagtutukdo? [Pasimbagon.] Ipinapahiling kan magasin na ini kun ano an sinasabi kan Bibliya manungod sa Kahadian nin Diyos saka an marahayon na mga bendisyon na dadarahon kaiyan sa daga.”

Awake! Oktubre

“May madali lang kaming pagdalaw tanganing tabangan an mga tawo na maaraman an simbag sa hapot na ini. [Ipahiling an cover kan magasin.] Sa paghuna nindo, kaipuhan daw na magin mayaman an sarong tawo tanganing magin tunay na mapanggana? [Pasimbagon.] Ipinapahiling kan Bibliya an timbang na pagmansay sa materyal na mga bagay. [Basahon an Lucas 12:15.] Sabi sa Bibliya, kayang-kayang makamtan nin siisay man an tunay na kapangganahan. Ipinapaliwanag iyan kan magasin na ini.”