Sampol na mga Presentasyon

Sa Pagpuon nin mga Pag-adal sa Bibliya sa Inot na Sabado nin Mayo

“Igwa kaming halipot na pagdalaw tanganing ipakipag-ulay an interesanteng hapot na ini. [Ipahiling an inot na hapot sa likod kan An Torrengbantayan na Mayo-Hunyo.] Ano sa paghuna nindo?” Pasimbagon. Pag-ulayan an inot na hapot asin kisiyera saro sa sitadong mga teksto. Ialok an mga magasin, asin iareglo na pag-ulayan an sunod na hapot.

The Watchtower Mayo-Hunyo

“May madali lang kaming pagdalaw tanganing ipakipag-ulay an sarong bagay na ginigibo nin kadaklan na tawo. Haros gabos namimibi, ano man an saindang relihiyon. Sa hiling nindo sinisimbag daw nin Diyos an mga pamibi, o pinapagian sana kaiyan an pagmati ta pag may problema kita? [Pasimbagon.] Hilinga an sinasabi kan Bibliya manungod sa pamibi. [Basahon an 1 Juan 5:14.] Ipinapaliwanag kan magasin na ini kun paano kita nakikinabang sa pamibi.”

Awake! Mayo

“May halipot kaming pagdalaw tanganing tabangan an mga tawo na makayanan an stress. Para saindo, mas nai-stress daw an mga tawo ngunyan kisa kaidto? [Pasimbagon.] Nahiling nin dakul na nakakatabang sa sainda an praktikal na sadol sa Bibliya na makayanan an stress. Uni an sarong halimbawa. [Basahon an Mateo 6:34.] Ipinapaliwanag kan magasin na ini kun paano makakatabang an mga prinsipyo sa Bibliya na makayanan an apat na parating dahilan nin stress.”

Pasabot: An magasin na ini puwedeng magustuhan na marhay kan mga nagtatrabaho.