Sampol na mga Presentasyon

Sa Pagpuon nin mga Pag-adal sa Bibliya sa Inot na Sabado nin Pebrero

“Iba-iba an opinyon kan mga nakakaulay mi manungod sa Bibliya. May mga naniniwala na iyan Tataramon nin Diyos. Iniisip man kan iba na ordinaryo sanang libro iyan. Kamo, ano an opinyon nindo dapit sa Bibliya?” Pasimbagon. Ipahiling an likod kan Watchtower na Pebrero 1, asin pag-ulayan an inot na hapot saka kisiyera saro sa sitadong mga teksto. Ialok an mga magasin, asin iareglo an pagdalaw liwat para pag-ulayan an sunod na hapot.

The Watchtower Pebrero 1

“Dakul an gustong matapos na an giyera. Sa hiling nindo, rasonable daw na asahan tang magkakaigwa nin katuninungan sa bilog na kinaban? [Pasimbagon.] Hilinga an panuga kan Bibliya. [Basahon an Salmo 46:9.] Interesante nanggad, an mga pangyayari kaidtong Giyera Mundiyal I asin pagkatapos kaiyan nagtatao sa sato nin kumpiyansa na talagang madali nang utubon nin Diyos an hulang ini asin tapuson an giyera sagkod lamang. Ipinapaliwanag iyan kan magasin na ini.”

Awake! Pebrero

“Ipinapakipag-ulay mi sa halipot an sarong komun na problema. Garo baga pirmi talagang kulang an panahon ta para magibo an gabos na bagay. Sa paghuna nindo, kinukulang daw kita nin panahon dahil sa kadakul kan gibuhon o dahil dakul kitang nasasayang na panahon? [Pasimbagon.] Dakul an dai nakakaaram na an Bibliya igwa nin praktikal na sadol para magamit ta nin tama an satong panahon. Uni an sarong halimbawa. [Basahon an Filipos 1:10a.] Tinutukar sa magasin na ini an apat na paagi na nakakatabang sa dakul para magamit nin mas madunong an saindang panahon.”