Sampol na mga Presentasyon

Sa pagpoon nin mga pag-adal sa Biblia sa enot na Sabado nin Pebrero

“Sa paghona nindo, igwa daw nin organisasyon ngonyan an Dios, o ihinahayag sana daw nia an saiyang kabotan paagi sa mga indibiduwal? [Pasimbagon.] Helingon nindo an sinasabi digdi manongod sa sarong nasyon na inorganisar nin Dios dakol nang taon an nakaagi.” Buksan an pahina 26 kan Pebrero 1 isyu kan The Watchtower, asin pag-olayan nindo an enot na subtema asin kisiera saro sa sitadong mga teksto. Ialok an mga magasin, asin mag-areglo nin pagdalaw liwat tanganing pag-olayan an sunod na hapot.

The Watchtower Pebrero 1

“Sa nakaagi pa sanang mga taon, pirmeng napag-oolayan an manongod sa Armagedon. Sa paghona nindo, may magigibo pa daw an mga tawo tanganing dai iyan mangyari? [Pasimbagon.] Hale digdi an terminong ‘Armagedon.’ [Basahon an Kapahayagan 16:16. Dangan, ipaheling an tutob kan magasin.] Mababasa nindo sa magasin na ini an simbag kan Biblia sa mga hapot na ini.”

Awake! Pebrero

“Ngonyan, dakol an naoogmang makikomunikar paagi sa Internet. Sa heling nindo, may mga peligro daw an arog kaining klase nin pakikikomunikar? [Pasimbagon.] May mga prinsipyo an Biblia na makakatabang na magin mas ligtas an paggamit niato nin Internet. [Buksan sa pahina 6-9, asin pag-olayan an saro sa mga hapot asin sarong sitadong teksto.] Matatabangan kamo kan magasin na ini na maaraman asin malikayan an mga peligro sa pakikikomunikar paagi sa Internet.”