Sa pagpoon nin mga pag-adal sa Biblia sa enot na Sabado nin Setyembre

“An mga tawo na laen-laen an nasyonalidad asin paniniwala namimibi aroaldaw. Sa paghona nindo dinadangog asin sinisimbag daw nin Dios an gabos na pamibi?” Pasimbagon. Dangan tawan sia nin kopya kan Watchtower na Setyembre 1, asin ipakipag-olay sa saiya an enot na subtema sa pahina 16 asin an kisiera saro sa sitadong mga teksto. Ialok an mga magasin, asin iareglo na magbalik tanganing pag-olayan an sunod na hapot.

The Watchtower Setyembre 1

Ipaheling an tutob kan magasin, asin sabihon: “Ano an simbag nindo sa hapot na ini? [Pasimbagon.] Mangnohon kun ano an sinasabi kan Biblia. [Basahon an 1 Juan 5:19.] Oyon digdi, an ‘Maraot,’ o an Diablo, an namamahala sa kinaban. Pero nagpapalataw ini nin nagkapirang hapot. Saen hale an Diablo? Sia daw talagang tunay na persona? Gurano kahaloy siang totogotan nin Dios na mamahala? Ipinapaheling kan magasin na ini kun ano an sinasabi kan Biblia.”

Awake! Setyembre

“Dakol na tawo ngonyan an natetension huli sa problema sa kuarta. Sa paghona nindo, taano ta masakiton na patamatamaon an badyet? [Pasimbagon.] An Biblia igwa nin madonong na mga prinsipyo na nakatabang sa dakol na badyeton an saindang kuarta. [Basahon an saro sa mga teksto na nasa pahina 8-9.] An magasin na ini nagtatao nin praktikal na mga suhestion para sa mga nasasakitan sa pagbayad nin utang.”