Sampol na mga Presentasyon

Sa pagpoon nin mga pag-adal sa Biblia sa enot na Sabado nin Agosto

“Manlaenlaen an relihion nin mga tawo, asin sinasamba ninda an Dios sa laen-laen na paagi. Ano sa paghona nindo an namamatean nin Dios manongod dian? [Pasimbagon.] Mangnohon kun ano an itinokdo ni Jesus dapit digdi.” Iabot sa kagharong an kopya kan Watchtower na Agosto 1 asin pag-olayan nindo an enot na subtema sa pahina 16 asin an kisiera saro sa sitadong mga teksto. Ialok an mga magasin, asin iareglo na magbalik tanganing pag-olayan an sunod na hapot.

The Watchtower Agosto 1

“Maninigo daw na tokdoan an mga aki manongod sa Dios mientras na sinda aki pa, o mas marahay daw na halaton sindang dumakula asin togotan sindang pumili kan relihiosong mga paniniwala ninda? [Pasimbagon.] Mangnohon kun ano an pagboot kan Biblia na dapat gibohon kan mga ama. [Basahon an Efeso 6:4.] An magasin na ini nagtatao nin nagkapirang suhestion kun paano matotokdoan nin mga magurang an mga aki ninda manongod sa Dios.”

Awake! Agosto

“Gusto kong maaraman an opinyon nindo sa tekstong ini. [Basahon an 1 Samuel 16:23.] Segun sa tekstong ini, an musika may dakulang epekto. Sa paghona nindo, posible daw na an nagkapirang kanta may maraot na impluwensia? [Pasimbagon.] Tinotokar kan magasin na ini kun paano kita madonong na makakapili nin musika asin kun paano ta man matatabangan an mga aki na gibohon man iyan.”