Sampol na mga Presentasyon

Sa pagpoon nin mga pag-adal sa Biblia sa enot na Sabado nin Agosto

“An parateng iniisip kan mga tawo ngonyan manongod ki Jesus iyo an kamugtakan nia mga duwang ribong taon na an nakaagi, magsalang sarong omboy na nasa bahogan o sarong lalaki na nakabitay sa hariging pasakitan. Pero, sa paghona nindo, ano daw an ginigibo ni Jesus ngonyan? [Pasimbagon.] Hilingon nindo an sinasabi digdi.” Iabot sa kagharong an Watchtower na Agosto 1, asin ipakipag-olay an enot na subtema sa pahina 16 asin kisiera saro sa mga teksto. Ialok an mga magasin, asin iareglong magdalaw liwat tanganing pag-olayan an sunod na hapot.

The Watchtower Agosto 1

“Dakol na tawo an nagtutubod sa mga milagro. An iba man nagdududa. Sa paghona nindo, talaga daw na nangyayari an mga milagro? [Pasimbagon.] An ipinanugang milagrong ini na mangyayari sa maabot na panahon nagtatao nin paglaom sa dakol na tawo. [Basahon an saro sa mga teksto na nasa pahina 9-10.] Sinisimbag sa magasin na ini an tolong komun na pagkontra manongod sa mga milagro.”

Awake! Agosto

“Sa panahon ngonyan, dakol na tawo an natatakot na magluwas nin solo, lalo na kun banggi. Sa hiling nindo igwa pa daw nin magigibo tanganing mabawasan an kadahasan sa kinaban na ini? [Pasimbagon.] Ipinapaliwanag kan magasin na ini an nagkapirang bagay na puede ta gabos gibohon tanganing magin mas matoninong an relasyon niato sa iba. Ipinapaliwanag man kaini kun paano maootob an pano nin paglaom na hulang ini.” Basahon an Salmo 72:7.