Sampol na mga Presentasyon

Sa Pagpuon nin mga Pag-adal sa Bibliya sa Inot na Sabado nin Agosto

“Haros gabos na tawo namimibi. Dawa an mga ateista namimibi kun may problema. Sa hiling nindo nagdadangog daw an Diyos sa gabos na pamibi?” Pasimbagon. Ipahiling an likod kan Watchtower na Agosto 1, asin pag-ulayan an inot na hapot saka kisiyera saro sa sitadong mga teksto. Ialok an mga magasin, asin iareglo an pagdalaw liwat para pag-ulayan an sunod na hapot.

Pasabot: An presentasyon na ini dapat idemonstrar sa pagtiripon bago maglingkod sa Agosto 3.

The Watchtower Agosto 1

“Igwa kaming halipot na pagdalaw huling naririsa mi na dakul an nahahadit sa paglakop na marhay nin pornograpiya. Pero, para sa iba mayo man nin maraot sa pornograpiya. Ano sa paghuna nindo? [Pasimbagon.] Sinabi ni Jesus na maaaraman ta kun baga marahay an sarong bagay paagi sa ibinubunga kaiyan. [Basahon an Mateo 7:17.] Tinutukar kan magasin na ini an ibinubunga kan pornograpiya. Nagtatao man iyan nin praktikal na mga suhestiyon kun paano makakatalingkas sa pornograpiya.”

Awake! Agosto

“An kadaklan sa sato gustong mabuhay nin halawig sagkod sa mapupuwede. Sa hiling nindo, magigibo daw kan mga pag-uswag sa siyensiya na mabuhay kita sagkod lamang? [Pasimbagon.] Hilinga an interesanteng panuga na ini. [Basahon an 1 Corinto 15:26.] Pero paano ini gigibuhon nin Diyos—paagi sa siyensiya o sa iba pang paagi? Asin taano ta ngunyan naggugurang kita asin nagagadan? Ipinapahiling kan magasin na ini kun ano an simbag kan Bibliya sa mga hapot na ini.”