Sampol na mga Presentasyon

Sa pagpoon nin mga pag-adal sa Biblia sa enot na Sabado nin Setyembre

“Dakol an naniniwala na maabot an panahon na hohokoman sinda nin Dios segun sa mga ginibo ninda. Para sa saindo, gusto daw nindong mag-abot na an Aldaw nin Paghokom o kinakatakotan nindo iyan? [Pasimbagon.] Hilinga an sinasabi digdi.” Itao sa kagharong an Watchtower na Setyembre 1, asin pag-olayan an enot na hapot sa pahina 16 saka kisiera saro sa mga teksto. Ialok an mga magasin, asin iareglo an pagdalaw liwat tanganing pag-olayan an sunod na hapot.

The Watchtower Setyembre 1

“Sa dakol na parte kan kinaban, an kababaihan apektadong gayo nin diskriminasyon asin pagmaltrato. Makamomondo na nakakakontribwir digdi an relihiosong mga paniniwala. Sa paghona nindo, may pagmakolog daw talaga an Dios sa mga babae? [Pasimbagon.] Mangnoha an pagboot kan Biblia sa mga agom na lalaki kun paano ninda tatrataron an saindang agom. [Basahon an Efeso 5:28, 29.] Ipinapahiling kan magasin na ini kun ano an sinasabi kan Biblia manongod sa pagmansay nin Dios sa mga babae.”

Awake! Setyembre

“Dakol an nagsasabi na maabot an panahon na mapopoho an buhay digdi sa daga, tibaad huli sa giera nuklear o natural na kalamidad, arog baga kan pagbagsak nin asteroid o pagbabago kan klima sa globo. Sa paghona nindo, totoo daw an siring na mga prediksion manongod sa katapusan kan kinaban, o imahinasyon sana? [Pasimbagon.] Itinatao kan Biblia an nakakarangang panuga na ini. [Basahon an Salmo 37:29.] Sinisiyasat kan magasin na ini an nagkapirang komun na senaryo dapit sa katapusan kan kinaban saka an tamang paglaladawan kan Biblia kun ano an mangyayari sa maabot na panahon.”