Sampol na mga Presentasyon

Sa Pagpuon nin mga Pag-adal sa Bibliya sa Inot na Sabado nin Setyembre

“Naniniwala man daw kamo sa mga anghel arog kan iba? [Pasimbagon.] Espiritu an mga anghel kaya makapangyarihan sinda. Sa hiling mo matatabangan man ninda kita? Sinasabi sato kan Bibliya kun paano ninda tinatabangan an mga tawo ngunyan.” Ipahiling an likod kan Setyembre 1 kan Watchtower, asin pag-ulayan an inot na hapot saka kisiyera saro sa sitadong mga teksto. Ialok an mga magasin, asin iareglo an pagdalaw liwat para pag-ulayan an sunod na hapot.

The Watchtower Setyembre 1

“Mahihirahay pa daw an naraot kan mga tawo sa daga? [Pasimbagon.] Dawa dai na iyan kaya nin tawo, sinasabi kan Bibliya na kaya iyan hirahayon nin Diyos asin gusto niyang gibuhon iyan. Sinisiyerto iyan kan Salmo 65:9. [Basahon.] Tinutukar sa isyung ini kan Watchtower kun paano papakarhayon nin Diyos an daga asin kun paano ta makakamtan an mga bendisyon na iyan sa puturo. Gusto mong iwalat ko ini para mabasa mo?”

Awake! Setyembre

“Dakul na empleyado an pagal-pagal nang marhay ta pagmati ninda tinatambakan sinda nin trabaho kan boss ninda asin dai man sindang maginibo. Sabi kan mga eksperto, puwedeng makaraot iyan sainda sa pisikal asin emosyonal. Ano daw an makakatabang para magin balanse an saro? [Pasimbagon.] May magayon na sinasabi an Bibliya. [Basahon an Parahulit 4:6.] Sa magasin na ini, may apat na praktikal na paagi tanganing mapakarhay ta an mga priyoridad ta para dai kita gayong mapagal sa trabaho.”