Kun Ano an Sasabihon Manongod sa mga Magasin

The Watchtower Pebrero 1

“Sa paghona nindo posible daw nanggad na maaraman kun ano talaga an Dios? [Pasimbagon.] May gusto akong ipaheling saindo na interesanteng bagay manongod dian.” Basahon asin ipaliwanag an simbag sa hapot 2 na yaon sa pahina 16 asin an saro sa mga sitadong teksto. Ialok an mga magasin, asin iareglo na magbalik tanganing pag-olayan an simbag sa hapot 3.

Awake! Pebrero

“Huling an Biblia daan nang marhay na libro, an nagkapirang tawo naghohona na iyan bakong eksakto kun dapit sa siensia. Ano an opinyon nindo? [Pasimbagon.] Dakol an napapangalas na sinasabi ini kan Biblia. [Basahon an Isaias 40:22.] Sinisimbag kan artikulo na nagpopoon sa pahina 22 an hapot na, Magkaoyon daw an siensia asin an Biblia?”

The Watchtower Marso 1

“An mga Saksi ni Jehova midbid sa saindang paghuhulit. Napag-isip-isip na daw nindo kun taano ta ginigibo mi ini? [Pasimbagon.] Helingon nindo an paliwanag na ini. [Basahon an Mateo 24:14.] Sinisimbag kan magasin na ini an mga hapot na: Ano an maogmang baretang ini? Ano an Kahadean? Asin ano an katapusan na maabot?”

Awake! Marso

“Dahel dakol an nagsasakit huli sa helang, gusto ming ipaaram man saindo an nakakaparigon sa boot na tekstong ini. [Basahon an Isaias 33:24.] Kun maotob na ini, ano sa paghona nindo an magigin kalaenan kan buhay? [Pasimbagon.] Sagkod na dai pa ginigibo nin Dios an pagbabagong ini, may importanteng mga lakdang na puede niato gabos na gibohon tanganing mapakarhay an satong salud. Ipinapaliwanag iyan kan magasin na ini.”