Kun Ano an Sasabihon Manongod sa mga Magasin

An Torrengbantayan Mayo 15

“Paano nindo sisimbagon an hapot na ini? [Basahon an hapot na nasa tutob. Dangan pasimbagon.] An Biblia nagtatao sa sato nin dahelan na maglaom. [Basahon an Mateo 6:9, 10.] Ipinapaliwanag kan magasin na ini kun paano papangyayarihon kan Kahadean nin Dios na magibo digdi sa daga an kabotan nin Dios.”

Awake! Mayo

“Sa paghona daw nindo itinalaga na nin Dios an satong mga gawe-gawe asin pangultimong kaaabtan? [Pasimbagon.] Segun sa bersikulong ini sa Biblia, tinotogotan nin Dios an mga tawo na pumili kun paano sinda mamumuhay. [Basahon an Deuteronomio 30:19.] Ipinapaheling kan artikulong ini an sinasabi kan Biblia manongod sa temang iyan.” Itampok an artikulo na nagpoon sa pahina 12.

An Torrengbantayan Hunyo 1

“Haros aroaldaw nababaretaan niato an mga naggigibo nin karompotan. [Sambiton an sarong halimbawa sa presente na aram sa lokal.] Napag-isip-isip na daw nindo kun igwa nin dai naheheling na ginigikanan nin maraot na nan-iimpluwensia sa mga tawo? [Pasimbagon. Dangan basahon an Kapahayagan 12:12.] Ipinapaliwanag kan magasin na ini kun paano niato mapoprotehiran an satong sadiri.”

Awake! Hunyo

“Gusto kong madangog an opinyon nindo manongod sa sinasabi digdi. [Basahon an 1 Timoteo 6:10.] Sa paghona daw nindo talagang nagdudusa an mga tawo na nabubuhay sana tanganing magtipon nin kuarta asin materyal na mga rogaring? [Pasimbagon.] Ipinapaliwanag kan magasin na ini an maraot na mga epekto nin pagmamaigot na magkamit nin kayamanan.”