Kun Ano an Sasabihon Manongod sa mga Magasin

The Watchtower Mayo 1

Basahon an Mateo 24:3. Dangan magsabi: “Iniisip nin nagkapira na an hapot na ini may koneksion sa katapusan kan satong daga. Sa paghona daw nindo lalaglagon an daga? [Pasimbagon.] An simbag ni Jesus nagtatao sa sato nin sarong bagay na puede niatong antisiparon—bakong an katapusan kan daga, kundi an katapusan nin ibang bagay. Orog pang sinisiyasat ini kan artikulo sa pahina 16.”

Awake! Mayo

“An nagkapirang ministro naghuhulit na kun pinapaogma niato an Dios, papayamanon nia kita sa materyal na paagi. Pero, tibaad may midbid kamong marahay na mga tawo na pobre. Sa paghona daw nindo gusto nin Dios na magin mayaman kita? [Pasimbagon. Dangan basahon an Hebreo 13:5.] Ipinapaliwanag kan artikulong ini kun paano kita binebendisyonan nin Dios.” Itampok an artikulo na nagpopoon sa pahina 12.

The Watchtower Hunyo 1

“Popular ngonyan an mga libro na nagpapaliwanag manongod sa pag-ataman sa mga aki, pagkamoot, asin personal na pagkakontento. Nakatabang na daw iyan sa saindo personalmente? [Pasimbagon.] An dakol dai iniintindi an sinasabi digdi na gikanan nin masasarigan na sadol. [Basahon an 2 Timoteo 3:16.] Ipinapaliwanag kan magasin na ini kun taano ta makapagtitiwala kita sa Biblia asin nagtatao ini nin mga halimbawa kan praktikal na mga sadol na yaon dian.”

Awake! Hunyo

“Arog kan aram nindo, pinagdedebatehan na gayo kun baga tama o sala an magpaaborsion. Sa paghona daw nindo makakatabang an Biblia sa saro na nagdedesisyon kun ano an dapat gibohon? [Pasimbagon. Dangan basahon an 2 Timoteo 3:16, 17.] Ipinapaheling kan magasin na ini kun ano an sinasabi kan Biblia manongod sa temang ini.”