Kun Ano an Sasabihon Manongod sa mga Magasin

The Watchtower Mayo 1

“Huli sa pagdakol nin natural na mga kalamidad sa satong panahon, dakol an nag-iisip-isip kun kita pinapadusahan nin Dios. Ano sa paghona nindo? [Pasimbagon. Dangan basahon an 1 Juan 4:8.] Ipinapaliwanag kan artikulong ini kun taano ta bako an Dios an dahelan kan pagsakit na resulta nin natural na mga kalamidad.” Itampok an artikulo sa pahina 30.

Awake! Mayo

Basahon an Mateo 6:10. Dangan maghapot: “Napag-isip-isip na daw nindo kun ano an kabotan nin Dios para sa daga? [Pasimbagon.] Oyon sa Biblia, an Dios may katuyohan para sa daga poon pa sa kapinonan asin dai nagbabago an katuyohan na iyan. Ipinapaliwanag iyan kan artikulong ini.” Itampok an artikulo na nagpoon sa pahina 10.

The Watchtower Hunyo 1

“An saro sa pinakamidbid na mga estorya sa Biblia iyo an manongod ki Noe asin sa Baha. Sa paghona daw nindo talagang nangyari an Baha? [Pasimbagon.] Interesante nanggad, sinambit iyan ni Jesus bilang aktuwal na pangyayari. [Basahon an Lucas 17:26, 27.] Ipinepresentar kan magasin na ini an mga dahelan na magtubod sa pagkasaysay manongod sa Baha asin ipinapaliwanag kaini an mahalagang marhay na mga leksion na itinotokdo kaiyan.”

Awake! Hunyo

“Masakit an pagpadakula nin aki, nangorogna kun an aki tinedyer na asin nakakaeksperyensia nin pambihirang mga pagbabago. Saen sa paghona nindo makakakua an mga magurang nin masasarigan na sadol? [Pasimbagon. Dangan basahon an Isaias 48:17, 18.] Nagtatao an magasin na ini nin nagkapirang pinakabagong suhestion tanganing tabangan an mga magurang na humiro na may kadonongan asin pakasabot.”