Sampol na mga Presentasyon

Sa Pagpuon nin mga Pag-adal sa Bibliya sa Inot na Sabado nin Oktubre

“May halipot lang kaming pagdalaw digdi sa saindo. Dakul sa mga nakakaulay mi an nagsasabi na an pagkagadan nin sarong mahal sa buhay an saro sa pinakamasakit atubangon na sitwasyon. Arog man daw kaiyan an pagmati nindo? [Pasimbagon.] Tibaad makatabang ini sa saindo.” Ipahiling an likod kan Watchtower na Oktubre 1, asin pag-ulayan an inot na hapot saka kisiyera saro sa sitadong mga teksto. Ialok an mga magasin, asin iareglo an pagdalaw liwat para pag-ulayan an sunod na hapot.

The Watchtower Oktubre 1

“May halipot lang kaming pagdalaw. Dinadagka mi an mga tawo na basahon an Bibliya. Aram mi na may mga tawong interesado sa Bibliya pero may iba na dai. Kamo po? [Pasimbagon.] Ini an prangkang sinasabi kan Bibliya. [Basahon an 1 Tesalonica 2:13.] Siguradong mauyon kamo na kun totoo na an Bibliya sarong libro na gikan sa Diyos, maninigo ining basahon. Ipinapaliwanag kan magasin na ini kun ano an laog kan Bibliya asin kun taano ta maninigo kitang magin interesado diyan.”

Awake! Oktubre

“Gusto kong maaraman an opinyon nindo sa hapot na ini: Puwede daw kitang magin kontento dawa mayo kita nin dakul na materyal na bagay? [Pasimbagon.] Hilinga an sinasabi kan Bibliya. [Basahon an 1 Timoteo 6:8.] Ipinapahiling kan magasin na ini an timbang na pagmansay sa materyal na mga bagay asin tinutukar an tulong mahalagang bagay na dai kayang bakalon nin kuwarta.”