Sampol na mga Presentasyon

Sa pagpoon nin mga pag-adal sa Biblia sa enot na Sabado nin Nobyembre

“Kadaklan sa sato interesado sa marahay na gobyerno. Sa opinyon nindo, anong klaseng gobyerno an makakaresolber sa mga problema nin katawohan? [Pasimbagon.] Hilinga an sinasabi digdi.” Itao sa kagharong an Watchtower na Nobyembre 1, asin pag-olayan an enot na subtema sa pahina 16 saka an kisiera saro sa sitadong mga teksto. Ialok an mga magasin, asin iareglo na bumalik tanganing pag-olayan an sunod na hapot.

The Watchtower Nobyembre 1

“Gusto ming maaraman an opinyon nindo. Kun mahahapot nindo an Dios, ano an ihahapot nindo? [Pasimbagon.] Segun ki Jesus, tama sanang maghanap nin simbag sa sinserong mga hapot niato. [Basahon an Mateo 7:7.] Mababasa nindo sa magasin na ini an simbag kan Biblia sa tolong mahalagang hapot na ini.” Ipahiling sa kagharong an mga hapot na nasa ikaduwang kolum sa pahina 3.

Awake! Nobyembre

“Nagdadalaw kami ngonyan bilang serbisyo-publiko sa mga pamilya. Ordinaryo na sana ngonyan an mga pamilyang may nagsosolong magurang. Sa paghona nindo, mas dakol daw an problema ninda kisa sa mga pamilya na may duwang magurang? [Pasimbagon.] Dakol na magurang an nakakua nin praktikal na sadol sa Biblia. [Basahon an 2 Timoteo 3:16.] Mababasa nindo sa magasin na ini an nagkapirang suhestion na makakatabang sa nagsosolong mga magurang na magin mapanggana sa saindang depisil na papel.”