Sampol na mga Presentasyon

Sa pagpoon nin mga pag-adal sa Biblia sa enot na Sabado nin Nobyembre

“Sa paghona nindo, mas maogma daw an mga tawong naghihingoang kuyogon an Dios? [Pasimbagon.] Igwa nin nagkapirang interesanteng punto an artikulong ini.” Tawan an kagharong nin kopya kan The Watchtower na Nobyembre 1, asin basahon saka ipakipag-olay an saro sa mga subtema sa pahina 16-17. Basahon an kisiera saro sa mga teksto. Ialok an mga magasin, asin iareglo na magbalik tanganing pag-olayan an simbag sa sunod na hapot.

The Watchtower Nobyembre 1

“Naniniwala an nagkapira na an punto de vista kan Biblia dapit sa sekso lihis na sa uso asin kadakol nin dai kaipuhan na pagbabawal. An iba minaoyon sa Biblia. Ano sa paghona nindo? [Pasimbagon.] Mangnohon kun ano an sinasabi kaini manongod sa gikanan kan mga pamantayan sa Biblia. [Basahon an 2 Timoteo 3:16.] Ipinapaheling kan magasin na ini kun paano sinisimbag kan Biblia an sampulong hapot na parateng ihinahapot manongod sa sekso. Ipinapaliwanag man kaini kun paano kita makikinabang sa mga pamantayan kan Biblia.”

Awake! Nobyembre

“Kun maingat niatong sisiyasaton an uniberso sa palibot niato basado sa mga katunayan, ano daw sa paghona nindo an magigin kongklusyon​—na igwa nin sarong Kaglalang o na an gabos resulta nin pagkanorongod sana? [Pasimbagon.] Ini an nagin kongklusyon nin sarong kagsurat sa Biblia kan siyasaton nia an uniberso. [Basahon an Roma 1:20.] Ipinapaliwanag kan magasin na ini kun ano an nadiskobre nin mga sientista manongod sa selula nin tawo na nagtatao nin liwanag dapit sa isyung ini.”