Sampol na mga Presentasyon

Sa Pagpuon nin mga Pag-adal sa Bibliya sa Inot na Sabado nin Nobyembre

“May halipot kaming pakikipag-ulay dapit sa marahay na gobyerno. Kaya daw na solusyunan nin arin man na gobyerno an masakit na mga problema arog kan kadahasan asin inhustisya?” [Pasimbagon.] Sa Pamibi kan Kagurangnan, itinukdo ni Jesus sa mga parasunod niya na ipamibi na umabot na an Kahadian nin Diyos. Ipahiling an likod kan Torrengbantayan na Nobyembre-Disyembre, asin pag-ulayan an inot na hapot saka kisiyera saro sa sitadong mga teksto. Ialok an magasin, asin sabihon na madalaw ka liwat para pag-ulayan an sunod na hapot.

An Torrengbantayan Nobyembre-Disyembre

“May halipot kaming pakikipag-ulay dapit sa pamilyar na mga tataramon na ini sa pamibi na itinukdo ni Jesus sa mga parasunod niya. [Basahon an Mateo 6:9, 10.] May nakapagsabi na saindo kun ano an Kahadian nin Diyos saka kun taano ta pirming sinasambit iyan ni Jesus sa pagtutukdo niya? [Pasimbagon.] Ipinapahiling kan magasin na ini kun ano an sinasabi kan Bibliya dapit sa Kahadian nin Diyos saka an marahayon na mga bendisyon na dadarahon kaiyan sa daga.”

Awake! Nobyembre

“Gabos kita gustong magin maugma, pero dakul ngunyan an bakong maugma. Paano daw kita magigin tunay na maugma? [Pasimbagon.] Napatunayan kong nakakatabang an Bibliya para magin maugma. Halimbawa, ining prinsipyo sa Hebreo 13:5. [Basahon.] Ipinapahiling kan magasin na ini an apat na sekreto nin tunay na kaugmahan na basado sa Bibliya.”