Sampol na mga Presentasyon

Sa pagpoon nin mga pag-adal sa Biblia sa enot na Sabado nin Enero

“Gusto ming madangog an opinyon nindo. Para sa saindo, ano an personal na ngaran nin Dios? [Pasimbagon.] Hilingon niato an sinasabi digdi.” Itao sa kagharong an Torrengbantayan na Enero-Pebrero, ipahiling an artikulo sa likod na pahina, asin pag-olayan an enot na subtema saka an kisiera saro sa sitadong mga teksto. Ialok an mga magasin, asin iareglo an pagbalik tanganing pag-olayan an sunod na hapot.

An Torrengbantayan Enero-Pebrero

“Dakol an nag-oorolay dapit sa katapusan kan kinaban. Sa paghona nindo, dapat daw niatong katakotan an katapusan kan kinaban? [Pasimbagon.] Segun digdi, may mga makakaligtas. [Basahon an 1 Juan 2:17.] Ipinapahiling kan magasin na ini an simbag kan Biblia sa apat na parateng ihinahapot dapit sa katapusan kan kinaban.”

Awake! Enero

“Nagdadalaw kami bilang serbisyo-publiko sa mga pamilya. Sa paghona nindo, mahalaga daw na sunodon nin mga pamilya an mga tataramon na ini ni Jesus? [Basahon an Guibo 20:35b. Dangan pasimbagon.] Talagang depisil tokdoan an mga aki na magin bakong makasadiri sa kinaban na dakol an malinaw na sadiri sana an iniisip. Sinasabi sa artikulong ini an nagkapirang praktikal na paagi tanganing mapadakula nin mga magurang an mga aki na magin makonsiderasyon sa iba.”