Sampol na mga Presentasyon

Kingdom News Num. 38

“Idinidistribwir mi sa bilog na kinaban an mahalagang mensaheng ini. Ini po an kopya nindo.”

Pasabot: Para makobrehan an teritoryo, gibuhon na halipot an presentasyon nindo. Pero kun an kagharong talagang interesado asin gustong makipag-ulay, puwede mong hagadon an opinyon niya sa hapot na yaon sa atubangan kan tract, basahon sa saiya an simbag kan Bibliya na mahihiling sa laog, asin pag-ulayan an sarong kabtang kan laog kaiyan, kun may oras pa. Bago maghali, ipahiling sa saiya an “Pag-isipan” na hapot na nasa likod asin sabihon na mabalik ka para pag-ulayan iyan.

An Torrengbantayan Enero-Pebrero

“May aram daw kamong kaputikan na sinasabi manungod sa Diyos? [Pasimbagon.] Sabi sa Bibliya, gusto kan Diyos na mamuot asin magtiwala sa saiya an mga tawo. [Basahon an Isaias 41:13.] Sinasabi sa magasin na ini an tulong lakop na kaputikan manungod sa Diyos na nagin dahilan kaya nadidipisilan an iba na magin harani sa saiya.”

Awake! Enero

“Mauyon daw kamo na kadakul kan problemang napapaatubang sa mga pamilya ngunyan? [Pasimbagon.] May talinhaga sa Bibliya na nagsasabi kun ano an dapat na yaon sa pamilya para magin makusog iyan. [Basahon an Talinhaga 24:3.] Napatunayan nin dakul na nakatabang sa sainda an kadunungan gikan sa Bibliya. Tinutukar kan magasin na ini an sarong Web site na basado sa Bibliya na may libreng mga publikasyon na makakatabang sa mga pamilya.”