Hapot

◼ Nuarin puwede nang punduhon an sarong pag-adal sa Bibliya?

Kun an sarong tinutukduan sa Bibliya dai na nag-uuswag sa espirituwal, tibaad kaipuhan mo nang mataktikang punduhon an pagtutukdo sa saiya. (Mat. 10:11) Pag-isipan: Regular daw siyang nagpapa-study? Nag-aandam daw siya sa pag-adal nindo? Nakaatender na daw siya sa mga pagtiripon sa kongregasyon? Sinasabi daw niya sa iba an mga nanunudan niya? Naggigibo daw siya nin mga pagbabago uyon sa mga nanunudan niya sa Bibliya? Pero siyempre, iisipon ta an edad asin kakayahan niya. Aram ta man na iba-iba an rikas nin pag-uswag kan kada saro. Ngunyan, kun pupunduhon mo na an pagtutukdo, papagdanayon na bukas an oportunidad niya na ipadagos giraray an pag-adal sa Bibliya.—1 Tim. 2:4.