An Pagkamuot an Midbidan kan Tunay na mga Kristiyano—Isikwal an Pagigin Makasadiri Asin Pagkaanggot

KUN TAANO TA MAHALAGA: Itinukdo ni Jesus na an pagkamuot an magigin midbidan kan saiyang mga disipulo. (Ju 13:34, 35) Tanganing makapahiling nin arog-Cristong pagkamuot, dapat tang isipon an kapakanan kan iba asin likayan na magin arangguton.—1Co 13:5.

KUN PAANO GIGIBUHON:

• Kun may makataram o makagibo saimo nin nakakakulog, magpundo nguna asin isip-isipon an dahilan kan problema saka an mga konsekwensiya kan gigibuhon mo.—Tal 19:11

• Tandaan na kita gabos bakong perpekto, asin kun minsan nakakataram kita o nakakagibo nin mga bagay na pinagbabasulan ta sa huri

• Husayon tulos an dai pagkakauyon

HILINGON AN VIDEO NA ‘MAGKAMINURUOT-MUUTAN KAMO’—ISIKWAL AN PAGIGIN MAKASADIRI ASIN PAGKAANGGOT, DANGAN SIMBAGON AN MINASUNOD NA HAPOT:

• Paano suminobra an reaksiyon ni Larry sa suhestiyon ni Tom?

• Paano an pagpundo nguna para mag-isip-isip nakatabang ki Tom na dai tulos maanggot?

• Paano napakalma kan mahuyong simbag ni Tom an nakakatensiyon na sitwasyon?