Kun Paano Papakusugon kan Mag-agom an Saindang Pag-ibanan

Si Abraham asin Sara sarong marahay na halimbawa nin mag-agom na namumutan asin iginagalang an lambang saro. (Ge 12:11-13; 1Pe 3:6) Pero bako man perpekto an saindang pag-aguman, asin may mga kasakitan sindang kaipuhan tagalan. Ano an manunudan kan mga mag-agom sa paghurop-hurop sa halimbawa ni Abraham asin Sara?

Magkaigwa nin bukas na komunikasyon. Magin mapagsabot pag nakakataram an saimong agom nin bakong magayon huli sa pagkadisganar o pagkairitar. (Ge 16:5, 6) Magtao nin panahon sa lambang saro. Paagi sa tataramon asin gibo, asiguraron sa saimong agom na namumutan mo siya. Urog sa gabos, pirming pakusugon an saindong relasyon ki Jehova paagi sa pag-adal, pamimibi, asin pagsamba na magkaibanan. (Par 4:12) An makusog na bugkos nin pag-aguman nagtataong onra ki Jehova, an Kagpundar kan sagradong areglong ini.

HILINGON AN VIDEO NA KUN PAANO PAPAKUSUGON AN BUGKOS NIN PAG-AGUMAN, DANGAN SIMBAGON AN MINASUNOD NA MGA HAPOT:

• Sa nahiling na video, ano an pira sa mga senyales na nagigin harayo na an buot ni Shaan asin Kiara sa lambang saro?

• Taano ta mahalaga an onesto o bukas na komunikasyon sa pag-aguman?

• Paano nakatabang ki Shaan asin Kiara an halimbawa ni Abraham asin Sara?

• Anong mga lakdang an ginibo ni Shaan asin Kiara para pakusugon an saindang relasyon?

• Taano ta dai dapat asahan kan mga mag-agom na magigin perpekto an saindang pag-ibanan?