Ano an Manunudan Niyato sa mga Linalang Kun Manungod sa Kusog nin Buot?

Tinutukduan kita ni Jehova kun paano ipapahiling an diyosnon na mga kuwalidad paagi sa halimbawa kan mga lalaki asin babayi na nasa Bibliya. Pero, an mga linalang niya sa satong palibot nagtutukdo man nin mahalagang mga leksiyon. (Job 12:7, 8) Ano an manunudan ta sa leon, kabayo, mongoose, hummingbird, asin sa elepante kun manungod sa kusog nin buot?

HILINGON AN VIDEO NA MAKANUOD SA MGA LINALANG NA MAGIN MAKUSOG AN BUOT, DANGAN SIMBAGON AN MINASUNOD NA MGA HAPOT:

• 

  Paano ipinapahiling kan babaying leon an kusog nin buot pag pinoprotektaran an saiyang mga ugbon?

• 

  Paano sinasanay an mga kabayo na magin makusog an buot sa ralaban?

• 

  Taano ta dai takot an mongoose sa makamandag na mga halas?

• 

  Paano ipinapahiling kan sadit na mga hummingbird an kusog nin buot?

• 

  Paano kusog-buot na dinedepensahan kan mga elepante an mga kairiba nindang elepante?

• Ano an nanudan mo sa mga hayop na ini kun manungod sa kusog nin buot?