Pinoprotektaran ni Jehova an Saiyang Banwaan

An inot na Paskuwa sarong mahalagang marhay na pangyayari. Kan bangging idto, kan maaraman ni Faraon na nagadan an saiyang panganay na aki, sinabi niya ki Moises: ‘Maghali na kamo asin an mga aki ni Israel digdi sa sakuyang banwaan; asin lakaw kamo, maglingkod kamo ki Jehova, siring sa saindong sinabi.’ (Ex 12:31) Ipinahiling ni Jehova na pinoprotektaran niya an saiyang banwaan.

Kun babalikan ta an kasaysayan kan banwaan ni Jehova sa modernong panahon, malinaw na pinapatunayan kaiyan na padagos na ginigiyahan asin pinoprotektaran ni Jehova an saiyang banwaan. Mahihiling iyan sa sarong museum sa world headquarters na may temang “A People for Jehovah’s Name.”

HILINGON AN VIDEO NA TOUR SA WARWICK MUSEUM: “A PEOPLE FOR JEHOVAH’S NAME,” DANGAN SIMBAGON AN MINASUNOD NA MGA HAPOT:

• 

  Anong bagong pantabang an ginamit kan Mga Estudyante sa Bibliya magpuon kan 1914 para mapakusog an pagtubod sa Bibliya, asin gurano iyan kanagin mapanggana?

• 

  Anong mga pagbalo sa pagtubod an nangyari kan 1916 asin 1918, asin ano an ebidensiya na ginigiyahan ni Jehova an organisasyon?

• 

  Paano an banwaan ni Jehova marigon na nanindugan sa saindang pagtubod dawa may pagkontra?

• 

  Anong bagong pakasabot an inako kan banwaan ni Jehova kan 1935, asin ano an nagin epekto kaini sa sainda?

• Kun nakapag-tour ka na sa museum na ini o sa sangang opisina, ano an nahiling mo na nagpakusog kan saimong pagtubod na talagang ginigiyahan asin pinoprotektaran ni Jehova an saiyang banwaan?