Pagpauswag kan Satong Kakayahan sa Ministeryo—Pagpapatotoo Paagi sa Kamera o Intercom

KUN TAANO TA MAHALAGA: Huli sa pag-uswag kan teknolohiya saka pagdakul kan krimen, dakul ngunyan an nagpapalaag nin mga security camera asin intercom sa mga harong. Puwedeng mag-alangan kita pag ipinapakipag-ulay ta an maugmang bareta sa sarong tawo na dai ta nahihiling pero nahihiling kita. An minasunod na mga pagirumdom makakatabang sa sato na mas magkaigwa nin kumpiyansa pag nagpapatotoo paagi sa kamera o intercom.

KUN PAANO GIGIBUHON:

• Magin positibo. Dakul sa mga igwa nin kamera o intercom sa harong an gusto man na makipag-ulay sa sato

• Tandaan na may mga kamera na nakukuanan ka na nin video bago ka pa makapag-doorbell kaya puwedeng pighihiling ka na asin dinadangog kan kagharong bago ka pa makarani sa pinto

• Pag nagsimbag an kagharong, magtaram sa intercom o kamera na garo nasa atubangan mo mismo an kagharong. Magngirit asin magin natural sa pagmustra. Sabihon an plano mo kutang sabihon kun nagluwas siya sa pinto. Kun may kamera, dai iraning marhay diyan an lalawgon mo. Kun dai magsimbag an kagharong, dai magwalat nin mensahe

• Dawa tapos na an pag-uulay, tandaan na puwedeng nahihiling ka pa o nadadangog kan kagharong