Marahay na Ugali Pag Nasa May Pinto

An mga Kristiyano garo “mga aktor sa sarong pasali sa atubangan kan kinaban.” (1Co 4:9) Kaya, dai ta dapat ipagngalas kun may mga kagharong na pighihiling kita hali sa bintana o nagdadangog sa likod nin pinto. An ibang harong igwa nin security camera saka mikropono kaya puwede kitang maobserbaran, madangog, asin mairekord kan kagharong. Uni an nagkapirang paagi kun paano mapahiling nin marahay na ugali pag nasa may pinto.—2Co 6:3.

PAAGI SA SAIMONG PAGGAWI (Flp 1:27):

• Igalang an kagharong paagi sa dai pagsirip sa laog kan harong ninda. Dai magkakan, mag-inom, mag-apod gamit an cellphone, o mag-text mantang nakatindog sa may pinto

PAAGI SA SAIMONG PAGTARAM (Efe 4:29):

• Pag nasa may pinto, dai magtaram nin ano man na bagay na habo mong madangog kan kagharong. An ibang parahayag pinipili na dai nguna mag-ulay tanganing pag-isipan an gusto nindang sabihon sa kagharong

Ano an iba pang paagi na maipapahiling mo an marahay na ugali pag nasa may pinto?