Pagpauswag kan Satong Kakayahan sa Ministeryo—Pagpuon nin Pag-adal sa Bibliya sa May Pinto nin Harong Gamit an Brosyur na Maogmang Bareta Hale sa Dios!
Kun Taano ta Mahalaga: Tanganing makagibo nin mga disipulo, dapat kitang magin mga paratukdo kan Tataramon nin Diyos. (Mat. 28:19, 20) Gabos kita puwedeng magin epektibo sa pagtutukdo kan katotoohan paagi sa paggamit kan mga pantabang na itinao sa sato. An brosyur na Maogmang Bareta Hale sa Dios! dinisenyo tanganing tabangan kitang ikatukdo sa iba an katotoohan. Sa katunayan, puwede ta ining gamiton sa pagpuon nin pag-adal sa Bibliya sa may pinto nin harong sa inot na pagdalaw.
Purbaran Ini Ngunyan na Bulan:
Ipamibi na lugod magkaigwa ka nin pagmawot na magkondukta nin pag-adal. Hagadon man ki Jehova na tabangan kang makapuon nin pag-adal sa Bibliya asin magin epektibong paratukdo kan katotoohan.—Fil. 2:13.
Durante kan pampamilyang pagsamba o personal na pag-adal, hinguwahon na magin pamilyar sa mga presentasyon. Sa siring, makakataram ka nin may kumbiksiyon asin makakapuon nin pag-adal sa Bibliya sa may pinto nin harong pag nasa ministeryo.