Mga Hoben—Buksan an Saindong Puso sa mga Magurang Nindo

Taano ta dapat mong hinguwahon na sabihon sa mga magurang mo an mga iniisip o an nasa buot mo? (Tal 23:26) Huling tinawan sinda ni Jehova nin responsabilidad na atamanon ka asin giyahan. (Sal 127:3, 4) Masasakitan sindang tabangan ka kun isesekreto mo sa sainda an gabos na ikinakahadit o ikinakapurisaw mo. Saka, dai ka makakanuod sa mga nagin eksperyensiya ninda sa buhay na kapaki-pakinabang. Sala daw na sadirihon mo an ibang iniisip o nasa buot mo? Dai man—basta dai mo sinda papaniwalaon sa sarong bagay na bakong totoo.—Tal 3:32.

Paano ka makikipag-ulay sa saimong mga magurang? Pumili nin oras na kumbenyente sa saimo asin sa mga magurang mo. Kun dipisil iyan para saimo, puwede kang gumibo nin surat sa saro sa sainda asin sabihon diyan an nasa buot mo. Paano kun igwa sindang gustong ipakipag-ulay pero habo mong pag-ulayan iyan? Tandaan na gusto ka talaga nindang tabangan. Ibilang mo sindang mga kasurog mo, bakong mga kalaban. An paghihinguwa mong magkaigwa nin bukas na komunikasyon sa saimong mga magurang magkakaigwa nin pakinabang sa bilog mong buhay—sagkod sa buhay na daing katapusan!—Tal 4:10-12.

HILINGON AN VIDEO NA AN BUHAY KO BILANG TIN-EDYER—PAANO AKO MAKIKIPAG-ULAY SA MGA MAGURANG KO?, DANGAN SIMBAGON AN MINASUNOD NA MGA HAPOT:

• 

  Ano an narealisar ni Esther saka ni Partik manungod sa saindang sadiri?

• 

  Ano an manunudan mo sa halimbawa ni Jesus?

• 

  Paano ipinahiling kan mga magurang mo na nagmamalasakit sinda sa saimo?

• 

  Anong mga prinsipyo sa Bibliya an makakatabang saimo na makipag-ulay sa saimong mga magurang?